Төр, хувийн хэвшлийн байгууллагуудын хамтын ажиллагааны хүрээнд аймгийн ЗДТГ-аас 2017 онд нийт 300 гаруй сая тѳгрѳгѳѳр 70 гаруй тѳсѳл санхүүжүүлсэн байдаг. Эдгээр төслүүдийн биелэлт болоод үр дүн ямар байгааг бид нягталж шалган /Fact checking/, цувралаар хүргэж эхэллээ.

ЦУВРАЛ-1:  “Эмэгтэйчүүдийн ордны зүүн урд талд Цэцэрлэгт Хүрээлэн байгуулах төсөл”. Төслийн нийт санхүүжилт 5.000.000 төгрөг. Эмэгтэйчүүдийн ордны төв хаалганы зүгт байрлах энэхүү төмөр хашааг Дарханчууд андахгүй мэднэ. Энд есөн жилийн өмнө Сан-оргиу компаний хийсэн 20ш сандал, явган хүний цементэн зам, хэсэг бут модлог ургамал байсан. Харин шинээр нэмэгдсэн зүйл нь хоёр ширхэг модон саравч байлаа. Тус модон саравчны нэг бүрийн зах зээлийн үнийг судалж үзэхэд дунджаар нэг сая орчим төгрөгт хийдэг юм байна.