Манай сайтын "Төсөл хөтөлбөрүүд хэрхэн хэрэгжив?" цуврал мэдээллийн мөрөөр Аймгийн Эмэгтэйчүүдийн Холбооноос албан тоот ирүүлжээ. Тус албан тоотод Дархан-Уул аймгийн Эмэгтэйчүүдийн холбоо НҮТБ нь орон нутгийн төсвийн хөрөнгө оруулалтаар Эмэгтэйчүүдийн ордны зүүн урд талыг тохижуулах төслийг 5.000.000 төгрөгөөр хэрэгжүүлсэн ба төсөл хөтөлбөрийн хэрэгжилт болон ажлын гүйцэтгэл зэрэг шаардлагатай баримтуудыг үзүүлэхэд бэлэн хэмээн мэдэгдсэн байв. Гэвч манай сэтгүүлч энэ талаарх мэдээллийг авахаар хандсан боловч тус байгууллагын Гүйцэтгэх захирал Б.Цэвэлмаа “Тэргүүн Ц.Ганчимэг Улаанбаатарт ажилтай байгаа тул ямар ч баримт үзүүлэх боломжгүй. Төслийн хүрээнд хэд хэдэн тохижилтын ажил хийсэн бөгөөд дүрс бичлэгт дурьдаад буй хоёр саравчийг нийтэд нь 3.000.000 гаруй төгрөгөөр хийлгэсэн ” гэлээ.

    Дашрамд дурьдахад тус байгууллагын одоогийн тэргүүн Ц.Ганчимэг нь 2019 оны дөрөвдүгээр сард Аймгийн Эмэгтэйчүүдийн Холбоо НҮТБ-ын Тэргүүнээр сонгогдсон бөгөөд тухайн төсөл хэрэгжиж байх цаг хугацаанд одоогийн Гүйцэтгэх захирлаар ажиллаж буй Б.Цэвэлмаа нь ажил үүргээ гүйцэтгэж байсан юм.