УГААЛГЫН МАШИНАА ХЭРХЭН ОЛОН ЖИЛ ХЭРЭГЛЭХ ВЭ?
Хагас автомат угаалгын машины сэгсрэгч хамгийн түрүүнд эвдэрдэг бөгөөд энэ төрлийн дуудлагын бараг 90-95% нь мотор шатсан тохиолдол байдаг байна.
Манайхан угааж байгаа хувцсаа угаагч талаас нь их устай нь аваад шууд сэгсрэгчрүүгээ шилжүүлдэг. Ийнхүү шилжүүлэх үед хувцаснаас гоожих ус сэгсрэгчний моторлуу ордог байна. Энэ нь мотор шатах үндсэн нөхцөл болдог бөгөөд энэ төрлийн эвдрэл нийт дуудлагын бараг 90-95 хувийг эзэлдэг. Мөн зарим айл ванндаа угаалгын машинаа байрлуулж угаалга хийх нь бий. Энэ нь мөн л машины моторт ус орж шатах шалтгаан болдог.
Угаалга хийхдээ машиныхаа даацыг хэтрүүлэх нь машин эвдрэх үндсэн шалтгаан. Танай машин угаалгын үед хяхтнан дуугарч байвал редуктор нь эвдэрч байгаагийнх. Даац нь хэтрээд хөөрхий машин чинь хэцүү байгаагаа мэдэгдэж байгаа нь тэр. Энэ нь усаа багадуулснаас ч болох нь бий. Тиймээс та угааж буй хувцас хэрэглэлийнхээ жин, овор хэмжээг анхаарахаас гадна, угааж буй усны түвшинд мөн анхаарлаа хандуулаарай. Сэгсэрэгчнийхээ даацыг ч бас хэтрүүлж бололхгүй. Хэт их хувцас, эдлэл хийж сэгсэрснээр ачаалал ихдэж моторыг шатаана.
Угаах хувцаснуудынхаа халаасыг эхлээд сайтар шалгаарай. Халаасанд байсан эд юмс бохирын хоолойг бөглөх, улмаар цоолох аюултай. Мөн усны хавхлагыг гацаах, ус их хэмжээгээр сэгсрэгчийн савруу орох нөхцөл болдог юм шүү.
Удирлагын цагийн механизмыг эргүүлэхдээ хүчтэй дараад хэрэггүй. Учир ингэж хүчилснээр сэгсрэгч, угаагч, бохир асгагчийн аль аль нь эвдрэх нөхцөл болно. Танай машин угаалгын үед зөвхөн нэг л чигт эргэх, эсвэл чаг чаг гэж хөнгөн дуугаргахгүй байвал асуудал үүсч байгааг илтгэж байна.
Жилд нэг удаа угаалгын машиныхаа угаагч хэсгийн аваарын хаалт, бохирын шүүлтүүр зэргийг цэвэрлэж байгаарай. Ингэснээр эвгүй үнэр арилж, усны шүүрэлтийг зогсооно.
Сэтгэгдэл (2)