"Дархан-2" өртөөнөөс хуучин, шинэ Дарханыг холбосон аюулгүйн тойрог хүртлэх авто замыг өчигдрөөс эхлэн сарын хугацаатай хаалаа. 

Улаанбаатар-Дархан хот хоорондын 204.11 км автозамын засвар, шинэчлэлтийн ажил эхэлсэнтэй холбогдуулан тус замыг буталж, стандартын дагуу нягтаршуулан, давхар хучилт хийх юм байна. 

Энэ хугацаанд автотээврээр зорчигсод Анагаахын Их сургуулиас өгсөж, Үйлдвэрийн дүүрэг дэх уулын замаар "Дархан-2" өртөө хүртэл явж, үндсэн замд нийлэх зохицуулалтыг хийгээд байна.  

Энэ жилийн хувьд хоёр эгнээ бүхий хуучин замыг шинэчлэх ажил явагдаж, ирэх арваннэгдүгээр сард ашиглалтанд оруулахаар төлөвлөж байгаа ажээ. Харин нэмэлт хоёр эгнээг барих тендер шалгаруулалтын ажил ирэх есдүгээр сараас эхлэн дараа жил барьж дуусгахаар болсон байна.