Ажлын тусгай горимд шилжүүлэх тухай аймгийн Засаг даргын захирамж гарлаа
ТУС ЗАХИРАМЖИД:
1. Шинэ төрлийн коронавирус /COVID-19/-ийн халдвараас урьдчилан сэргийлэх, учирч болох эрсдэлийг бууруулах зорилгоор аймгийн хэмжээнд 2020 оны 02 дугаар сарын 17-ны 08:00 цагаас 2020 оны 03 дугаар сарын 03-ны 00:00 цаг хүртэл ажлын тусгай горимд шилжүүлсүгэй.
2. Аймгийн хэмжээнд үйл ажиллагаа явуулж байгаа /төрийн тусгай алба, онц чухал обьектууд, эрүүл мэндийн байгууллага, хэвлэл мэдээллийн байгууллагуудаас бусад/ төрийн болон төрийн бус, хувийн хэвшлийн аж ахуйн нэгж байгууллагын дарга, захирал, эрхлэгч нарт ажлын тусгай горимд шилжүүлсэнтэй холбогдуулан ажлын өдрийн үргэлжлэх хугацааг 7 цагаар тогтоож холбогдох шийдвэрийг гарган, мөрдүүлж ажилласугай.
3. Аймгийн хэмжээнд ажлын тусгай горимд шилжүүлсэнтэй холбоотойгоор томоохон хүнс, барааны зах, жижиглэнгийн болон бөөний худалдааны төвүүд, зоогийн газруудын цагийн хуваарийг 18:00 цаг хүртэл, бусад худалдаа, үйлчилгээ, нийтийн хоолны үйлдвэрлэл, үйлчилгээний газрууд, үсчин, гоо сайхан, хүнс, барааны дэлгүүрийн цагийн хуваарийг 20:00 цаг хүртэл ажиллахаар тогтоосугай.
4. Аймгийн Засаг даргын 2020 оны 02 дугаар сарын 12-ны өдрийн 01-А/54 дүгээр захирамжийн нэг дэх заалтнаас кафе гэснийг хасч, энэхүү захирамжаар тогтоосон цагийн хуваарийн дагуу зөвхөн нийтийн хоолны үйлчилгээ үзүүлэхийг зөвшөөрсүгэй.
5. Захирамжийн хэрэгжилтэд хяналт тавьж ажиллахыг Шуурхай штаб /хурандаа С.Пүрэвсамдан/-т даалгасугай гэжээ.
Эх сурвалж: ЗДТГ-ын МТА
Сэтгэгдэл (3)