УБ-Дархан чиглэлийн замд зорчиж амь нас, эрүүл мэнд, эд хөрөнгөөрөө хохирсон иргэдийн анхааралд
УБ-Дархан чиглэлийн авто зам барихтай холбоотойгоор Зам, тээврийн хөгжлийн яамны сайдын 2019 оны зургаадугаар сарын 13-ны өдрийн “Авто зам хаах, чиглэл өөрчлөх тухай” 198 дугаар тушаал гарсан байдаг.
Зам хааж, түр зам болон засварлаагүй хуучин замаар зорчуулсан долоон сарын хугацаанд 20 гаран хүний алтан амь үрэгдэж, 120 орчим хүн хүнд хөнгөн гэмтэж, маш олон иргэд их бага хэмжээгээр эд хөрөнгө, машин техник, эд материалаараа хохирсон байна. Энэ нөхцөл байдал энэ жил ч үргэлжлэх нь нэгэнт тодорхой байна.
Иймд Монгол улсын иргэн та авто зам, замын байгууламжийн ашиглалтын хэвийн нөхцлийг хангаагүй төрийн буруутай үйл ажиллагаанаас амь нас, эд хөрөнгө, эд материалаар хохирсон бол Монгол Улсын Үндсэн хуулийн 16 дугаар зүйлийн 1. Амьд явах, 2. Эрүүл, аюулгүй орчинд амьдрах эрхийг баталгаатай эдлэх эрхтэй иргэнийхээ хувьд, Авто замын тухай хуулийн 10 дугаар зүйлийн 10.1.6-д заасан “авто зам, замын байгууламж барих, засварлах, арчлах, зураг төсөл боловсруулах, техник, технологийн норм, норматив, техникийн баримт бичиг батлах, хэрэгжилтэнд хяналт тавих эрх үүргээ хэрэгжүүлээгүй Зам тээврийн хөгжлийн яам, Авто замын тухай хуулийн 23 дугаар зүйлийн 23.3.1-д заасан “авто замын ашиглалтын байнгын бэлэн байдал, хөдөлгөөний аюулгүй байдлыг бүрэн хангах” чиг үүргээ биелүүлээгүй зам хариуцагч байгууллагаас Авто замын тухай хуулийн 35 дугаар зүйлийн 35.2-т зааснаар хохирлоо төлбөрөө гаргуулах эрхтэй.
Бүрдүүлэх баримт:
- Иргэний үнэмлэх нотариатаар гэрчлүүлсэн хувь
- Хорооны тодорхойлолт эх хувь
- Ослын асуудлыг Цагдаагийн байгууллагаар шийдвэрлүүлсэн бол тэр талаарх баримтууд, даатгалтай холбоотой баримтууд
- Хохирлууд баримтууд...
- Баримт
ХОХИРЛЫН БАРИМТ БҮРДҮҮЛЭХ ЗААВАРЧИЛГАА
- Бичлэг хийх, ингэхдээ тухайн газар орчны байдлын талаар осол гарахад нөлөөлсөн замын өө, энхэл, донхол, хонхор, нүх, суваг, шуудуу, шавар, мөстлөг зэрэг авто замын шаардлага хангахгүй нөхцлүүдийг мөн эрүүл мэнд, тээврийн хэрэгсэл, ачаа тээшинд учирсан хохирлын нөхцөл байдлыг бодитой харуулж, аман тайлбартай бичлэг хийх, зураг авах, гэрчүүдээс яриа авах, тодорхойлолт бичүүлж авах гэх мэт
- 2019 оны 07 дугаар сарын 15-ны өдрөөс хойшхи хугацаанд хамаарах хохирлын асуудлыг ярина. Иймд тухайн замаар зорчихдоо замын хяналт \постуудаар\ -аар нэвтрэхдээ төлсөн хураамжийн тасалбар, бичлэг, зураг авахдаа огноог харуулах байдлаар, мөн цагдаад болон даатгалд дуудлага өгсөн бол тухайн дуудлага хийснээ screen shot хийх, даатгалын баримтууд \огноог харж болно\ цагдаагийн байгууллагаар шийдвэрлүүлсэн бол тэр талаарх бүхий л баримтуудыг хэргээс хуулбар хийж авах, хамт явсан иргэдийнхээ болон тусламж үзүүлсэн хүмүүсийн холбогдох утас хаягийн мэдээллийг авах \гэрч болох\, эрүүл мэндийн тусламж үйлчилгээ, эмчилгээ, эм тариа авсан, хэвтэж эмчлүүлсэн, ор хоногийн мөнгө төлсөн зэрэг санхүүгийн анхан шатны баримтууд, машин техникээ засаж янзлуулсан, шинээр сэлбэг хэрэгсэл худалдан авсан, ачилтын машин хөлсөлсөн, чирүүлсэн, тээвэрлүүлсэн, журмын хашааны төлбөр гэх мэт төлбөр мөнгөний баримтууд \огноо, тамга, гарын үсэгтэй\, эндээс асуудал болсон огноог ч тодорхойлж болох юм.
Холбоо барих: 95737394
Дарханы замд хохирсон иргэдийн бүртгэл - фэйсбүүк групп-д мөн хандаж болно
Сэтгэгдэл (4)