Сонгогчдын боловсролд 2020-10-16
Арваннэгдүгээр ТОЙРОГТ НЭМЭЛТ САНАЛ ХУРААЛТ БОЛНО
Аймаг, нийслэл, сум, дүүргийн 2020 оны ээлжит сонгууль өчигдөр болж өндөрлөлөө. Дархан-Уул аймаг нь нийт 65261 сонгогчтойгоос 27094 нь буюу 41.52 хувь нь саналаа өгчээ. Энэ нь бусад аймаг дүүргүүдээс хамгийн бага ирцтэйд тооцогдож байна.
Дархан-Уул аймгийн Иргэдийн Төлөөлөгчдийн Хурал нь 33 мандаттай бөгөөд үүнээс урьдчилсан дүнгээр МАН 31, ШИНЭ нам 1 суудал тус тус авсан байна.
Арваннэгдүгээр тойрогт МАН-аас нэр дэвшигч, өнгөрөгч дөрвөн жилд аймгийн ИТХ-ын төлөөлөгчөөр ажилласан Б.Буяндүүрэн болон БИЕ ДААН нэр дэвшигч Ж.Баярт-Од нарын санал тэнцжээ.
Тиймээс аймгийн сонгуулийн хороо тус тойрогт дахин санал хураалт явуулах шийдвэрийг гаргасан байна.
Нэмэлт санал хураалт 2020 оны аравдугаар сарын 25-ны өдрийн 08.00-18.00 цагийн хооронд болох бөгөөд тус санал хураалтад зөвхөн үндсэн санал хураалтад оролцоогүй сонгогчид оролцох эрхтэй ажээ.
Сэтгэгдэл (39)