Өнөөдөр Дархан-Уул аймгийн Ардчилсан намын Тэргүүлэгчид хуралдана
Өнөөдөр Дархан-Уул аймгийн Ардчилсан намын Тэргүүлэгчдийн хуралдаан болно.
Удаан хугацаанд дотооддоо маргаантай байж, эрх баригчдын үйл ажиллагаанд хяналт тавих, сөрөг хүчнийхээ үүргээ гүйцэтгэж чадахгүй байгаа Дархан-Уул аймгийн Ардчилсан нам төрийн сонгууль ойртсонтой холбогдуулан Ерөнхийлөгчийн сонгуульд хэрхэн оролцох болон дүрмийн бусаар томилогдсон гэх дарга нарынхаа асуудлыг шийдвэрлэх зорилгоор тэргүүлэгчдийн хурлаа зарлан хуралдуулахаар болжээ.
Тус намын хувьд дээд дарга нарынхаа тэмцлээс үүдэлтэй мөн адил 2 тамга, 2 даргатай болоод байгаа бөгөөд жирийн гишүүд дэмжигчдийнх нь хувьд өнгөрсөн хугацаанд хүлээцтэй хандаж, нэгдэн нийлэх, улс төрийн үйл ажиллагаагаа идэвхитэй явуулахыг харж хүлээсэн боловч ингэж чадаагүй гэж үзэж асуудлыг үндсэн дүрмийнхээ хүрээнд яаралтай шийдвэрлэхээр болсон бололтой. Үүнээс харахад дээрх дээрээс томилогдсон дарга нарын аль алинийг нь намын гишүүд нь төдийгүй нийгмийн зүгээс хүлээн зөвшөөрөгдөхгүй байгааг харгалзан дүрмийнхээ дагуу дунд шатны намын хороогоо хуралдуулан дараагийн намын даргаа өөрсдөө дундаасаа сонгох нь тодорхой бололтой.
Ямартай ч улс төрийн нэг хүчин илт давамгай ноёрхох болсон өнөөгийн хяналтгүй, сонголтгүй болсон цаг үед чанартай сөрөг хүчний байр суурь хэрэгтэй байгааг үгүйсгэх юун.
Сэтгэгдэл (22)